Un total de 32 deportistas representaron a USC na trixésimo sexta edición dos Xogos Galaico Durienses

A Universidade de Santiago de Compostela obtivo o primeiro posto en Fútbol 5 e Campo a través-orientación, no marco da trixésimo sexta edición dos Xogos Galaico Durienses que se desenvolveron esta semana na localidade portuguesa de Vila Real, baixo a organización da Universidade de Trás-os-Montes e Alto Douro. A USC destacou tamén en tenis mixto (terceiro posto), volei praia mixto (cuarto banzo) e balonmán (sexto chanzo).

Na clasificación xeral de universidades, a USC quedou en segundo lugar, por detrás da Universidade de Porto. En total, participaron na competición 32 deportistas da USC.