Aberta a inscrición na Escola de Natación e no curso de iniciación á orientación da USC

A Área de Deportes da USC mantén aberto o prazo de inscrición na súa Escola de Natación e no curso de iniciación á orientación. Na Escola de Natación, o prazo está aberto para as categorías a1 e a2, mentres que para as b e c abrirase o 15 de xaneiro. Esta actividade desenvolverase dende o 1 de febreiro ao 31 de maio.
O curso de iniciación á orientación desenvolverase os días 14, 16, 21 e 23 de marzo de 2007 (2 clases teóricas e 2 prácticas), sendo a idade mínima para acceder a esta actividade de 15 anos.
Por outra banda, a Área de Deportes mantén aberto o prazo para federarse na Sección de Orientación do CDU para a tempada 2007. As persoas que desexen acadar máis información poden chamar ao teléfono 981 56 31 00, ext. 15074.