Aberto o prazo de inscrición para as escolas deportivas no segundo cuadrimestre

Os membros da comunidade universitaria do Campus de Santiago xa poden formalizar a súa inscrición para participar nas actividades das Escolas Deportivas da USC no segundo cuadrimestre. O resto de persoas con algún tipo de vinculación coa USC así como as alleas á institución poderán formalizar este proceso a partir do luns 18 de febreiro.
Mentres, no Campus de Lugo o período de renovación para estas mesmas escolas estenderase do 1 ao 12 de febreiro. As novas inscricións para o 2º cuadrimestre comezará o día 17 de febreiro.
Para inscribirse en calquera actividade deportiva da USC, é preciso estar en posesión do cartón deportivo, que posúe unha vixencia dun curso académico. Para acadar máis información, as persoas interesadas deben dirixirse á Área de Deportes da USC (http://www.usc.es/deportes).