Abre o prazo das axudas a centros para actividades culturais e deportivas

A Vicerreitoría de Estudantes e Cultura e a Área Deportiva da USC acaban de abrir o prazo para presentarse á convocatoria de axudas para actividades socioculturais, culturais e físico-deportivas nos centros académicos. Disponse ata o 12 de decembro para facer a solicitude.

Poderán beneficiarse destas axudas o Consello do Estudantado e todos aqueles centros -excluíndo os residencias, que dispoñen dunha convocatoria propia- que presenten actividades a iniciativa de calquera persoa da comunidade universitaria (estudantado, PDI ou PTXAS). A contía máxima que se outorgará por actividade será de 2.500 euros, cun máximo de 4.000 por centro.

As actividades seleccionadas deberán xestionar o compromiso de gasto antes do 15 de novembro de 2026 e executarse entre o 20 de febreiro e o 30 de novembro de 2026.