Abre o prazo de matrícula para as actividades deportivas do segundo cuadrimestre no Campus de Lugo

A Área de Deportes do Campus de Lugo abre a próxima semana o prazo de nova inscrición nas escolas deportivas do segundo cuadrimestre, que se desenvolverán dende os primeiros días de marzo ata xuño destinadas á comunidade universitaria.
As actividades terán lugar polas tardes a partir das 19:15 horas e finalizarán, dependendo da materia, ás 22:00 horas. Haberá novamente aeróbic, ioga, ximnasia de mantemento, esgrima e taichí. Esta última e o ioga terán lugar no ximnasio da piscina das Pedreiras mentres que o resto desenvolveranse no Pazo dos Deportes.
A organización ten reservadas as prazas para os que están matriculados dende o comezo do curso, pero os interesados en continuar deberán comunicar a súa intención na Oficina de Deportes do Campus, situada no edificio da Biblioteca Intercentros, onde se repartirán tamén as follas para a nova inscrición.
VeterinariaPola súa banda, a Facultade de Veterinaria oferta outras tres actividades que terán lugar nestas instalacións. Trátase de danza oriental, taichí e pilates, con clases dous días á semana a primeira hora nos dous últimos casos e a media tarde na danza oriental.
O inicio da actividade será o día 18 de febreiro e o prazo de matrícula manterase aberto ata o 22 deste mesmo mes. A primeira semana de cada actividade será a modo de proba e sen compromiso de matriculación.