Ábrese o prazo para participar no obradoiro experimental de Fotografía do Campus

A Vicerreitoría de Cultura da USC en Lugo abre o prazo para inscribirse no Obradoiro Experimental de Fotografía que terá lugar os vindeiros meses de marzo, abril e maio.
As clases, impartidas polo profesor Eduardo Ochoa, celebraranse todos os martes de 20:00 a 21:30 horas entre o 6 de marzo e o 15 de maio na Aula de Fotografía na Facultade de Veterinaria. O curso consta de 30 horas titoradas nas que se realizarán diferentes traballos prácticos. Os interesados deben dirixirse á Vicerreitoría de Cultura antes do 2 de marzo.