Analízase por primeira vez de maneira global a cuestión agraria e o asociacionismo rural en España desde a Restauración á Guerra Civil

A Universidade de Santiago e as Fundacións Luís Tilve e Pablo Iglesias organizan entre os días 1 e 4 de xullo o I Curso sobre Agrarismo titulado ‘Entre a revolución e a reforma: cuestión agraria e asociacionismo rural, 1874-1939’, sendo a primeira vez que en España se analiza esta cuestión atendendo a cada unha das particularidades rexionais.
Os detalles do curso avanzaranos en rolda de prensa este xoves, 11 de xuño, o vicerreitor de Política Internacional, Agustín Merino, o presidente da Fundación Luís Tilve, Xesús Mosquera, e o profesor de Historia Contemporánea da USC Miguel Cabo Villaverde. A presentación será ás 11:00 horas na Sala de Prensa do Colexio de Fonseca.
Este encontro académico ten a súa orixe no proxecto de investigación ‘Diccionario biográfico do socialismo español’ que tenta profundar nas distintas vertentes da historia do movemento obreiro.