A Cátedra Jaime Vera de Emprendemento Social da USC presenta o I Concurso de Accións Sostibles de Emprendemento Social

A Cátedra Jaime Vera de Emprendemento Social da USC convoca a primeira edición do Concurso de Accións Sostibles. O certame presentarano o reitor da Universidade de Santiago, Senén Barro, e a directora da Cátedra, a profesora Elena Vázquez Cendón, nunha rolda de prensa a celebrar este xoves, día 6, ás 10:45 horas na Sala de Prensa do Colexio de Fonseca.
O obxecto do Concurso de Accións Sostibles de Emprendemento Social é premiar as persoas que desde os campus de Lugo e Santiago da USC presenten accións sostibles no tempo, que promovan emprendemento con proxección no ámbito social e que supoñan transferencia ou xeración de coñecemento.