O Centro de Linguas Modernas da USC amplía o prazo de matrícula ata o 29 de febreiro

O Centro de Linguas Modernas da USC amplía ata o 29 de febreiro o prazo de matrícula para o segundo cuadrimestre nos cursos de 40 horas de catalán, checo, chinés, portugués, ruso e xaponés no Campus de Santiago e de francés no campus de Lugo. O mesmo prazo establécese para os cursos de galego para non galegofalantes nos dous campus e para o de preparación dos Certificados B e C de Catalán en Santiago. O alumnado con coñecementos previos do idioma que desexe estudar algunha das linguas ofrecidas terá que poñerse en contacto previo co Negociado do CLM a través do enderezo electrónico clm [at] usc.es (clm[at]usc[dot]es), no teléfono 8818 14443 ou visitarnos na Casa dos Catedráticos 1ºC, no Campus Vida.