Ciencias Económicas entrega o premio do seu concurso de pintura ‘CreArte na Universidade’

A Facultade de Ciencias Económicas e Empresariais entregará este mércores 8 o premio do Concurso de pintura ‘CreArte na Universidade’, convocado polo mesmo centro no marco da súa Quincena Cultural. A entrega terá lugar ás 12.30 horas na Aula Tomé (Aula B) da Facultade.

O decano da Facultade de Xeografía e Historia e membro do xurado, Juan Manuel Monterroso Montero, fará un percorrido polas obras dos fondos do centro recentemente restauradas que están expostas nesa aula. Ademais, a sesión contará cunha actuación musical da alumna Raquel Fernández Fernández (clarinetista).