Claudio Rodríguez Fer imparte esta semana un obradoiro de Poesía na Aula Literaria

O profesor da USC e escritor Claudio Rodríguez Fer impartirá mañá martes, día 16, e o mércores 17, ás 17:00 horas no Salón de Graos da Facultade de Humanidades, un obradoiro de poesía que forma parte das actividades organizadas pola Asociación Universitaria Evohé para a Aula Literaria deste curso.
O contido deste taller pretende ser unha introdución á creación poética baseada na experiencia persoal dos asistentes que realizarán os seus propios poemas guiados polos consellos do catedrático da USC. Claudio Rodríguez Fer é responsable da revista Moenia e da cátedra Valente de Poesía e Estética e conta con numerosas obras publicadas.