O Claustro debate este xoves as liñas xerais do orzamento e a actualización da programación plurianual

O Claustro da Universidade de Santiago reúnese este xoves 3 para someter a aprobación as Liñas Xerais do Orzamento e a actualización da Programación Plurianual. A reunión, que poderá seguirse en directo a través de USC TV, terá lugar a partir das 9.30 horas (10.00 en segunda convocatoria) no Salón de Actos da Facultade de Ciencias da Comunicación.

Na mesma sesión, o reitor presentará o seu informe e elixiranse os representantes do sector III do estudantado na Mesa do Claustro, nas Comisións do Claustro, na Comisión Electoral Central e no Consello de Goberno.