O Colexio Maior San Clemente impón as súas becas e insignias colexial

O Colexio Maior San Clemente celebra este mércores 3 o acto académico de imposición das súas becas colexiais nunha sesión que presidirá o reitor Juan Casares a partir das 20.30 horas no Salón de Actos do propio centro. Está prevista a presenza ademais do director deste colexio, Anxo Abuín; do subdirector, Diotino Nóvoa; e do director da Área de Residencias, Vicente Sanjurjo. O acto principiará coa entrega dos trofeos do décimo torneo intercolexial de tenis e dos premios do concurso de fotografía ‘Santiago en verde’. Deseguido imporanse as Becas e as Insignias Colexiais, o que dará paso á entrega das mencións especiais ao membros do Consello Colexial. A intervención da madriña da promoción, María Sánchez Remón, dará paso á imposición das Becas de Honra do Colexio a Manuel Meijón e a Teresa Gómez Prado.