O Colexio Oficial de Enxeñeiros Técnicos en Topografía entrega as insignias aos novos titulados en Lugo

Os enxeñeiros técnicos en Topografía que o pasado curso remataron os seus estudos no campus lugués recibirán este xoves 20 no Salón de Actos Isaac Díaz Pardo da Escola Politécnica Superior de Lugo as insignias que cada ano outorga a Delegación Territorial do Colexio Oficial de Enxeñeiros Técnicos en Topografía aos novos titulados.
O subdirector do Sistema de Información Territorial de Galicia (SITGA), Manuel Gallego Prieto, abrirá este acto ás 18:00 horas cunha conferencia sobre ‘Xeomática: novos retos para a profesión’.
A continuación, o director da EPS, Javier Bueno; o delegado territorial en Galicia do Colexio Oficial de Enxeñeiros Técnicos en Topografía, Luís Mendoza; e o delegado provincial do mesmo colexio, Eugenio José Niñe, procederán á entrega dos distintivos aos novos titulados.