A Compañía de danza USCompostela intervén nos Concertos didácticos do Auditorio de Galicia

A Compañía de danza USCompostela, dirixida por Juan Carlos Zahera, intervirá este martes 13 e o mércores 14 nos Concertos Didácticos do Auditorio de Galicia. En concreto, farao na obra ‘ O Carnaval dos Animais’, de Saint-Saëns, xunto coa Real Filharmonía de Galicia dirixida por Maximiliano Zumalave.

Cunha coreografía de Xiana Vilas, participan como intérpretes Lupe Carballo, Ipek Guller, Sina Menrad e José Vera. O vestiario da obra corre a cargo de Uxía P.Vaello (Aquarium e Morte do Cisne), do Centro Dramático Galego e da Aula de Teatro da USC (Leóns).