Convocadas as eleccións de representantes de todos os sectores nas Xuntas de Centro, nos Consellos de Departamento, e de alumnado da EDIUS no Consello do Estudantado
As eleccións de representantes de todos os sectores nas Xuntas de Centro e nos Consellos de Departamento, así como de representantes de alumnado da EDIUS no Consello do Estudantado desenvolveranse o vindeiro 27 de novembro en horario ininterrompido dende as 9.00 ata as 18.00 horas. As reclamacións contra o censo provisional poderán efectuarse dende este martes 17 ata o 23 de outubro. A resolución da Secretaría Xeral sobre rectificación do censo terá lugar o día 25 deste mes e o censo definitivo publicarase o 30 de outubro.
A presentación de candidaturas desenvolverase do 31 de outubro ao 10 de novembro, producíndose a proclamación provisional o día 13 de novembro e a definitiva, o día 16. A campaña electoral estenderase do 17 ao 23 de novembro. O calendario completo e os detalles das convocatorias poden consultarse na web das eleccións.