O Coro Universitario de Santiago de Compostela actúa este martes no Festival de Música do Corpus en Lugo

A Igrexa de San Pedro acolle este martes, día 29, ás 20:30 horas, un novo concerto do Festival de Música Cidade de Lugo (XXXV Semana do Corpus), que organiza a Concellaría de Cultura de Lugo. Co título xenérico ‘Nacións Barrocas’, o Coro da USC Capela Compostelá dirixido por Miro Moreira, interpretará pezas de autores desa época, como Monteverdi, Buxtehude, Salazar, Vaquedano, Couperin, Purcell ou Teleman.
Este coro, que formou en 1979 por Maximino Zumalave, compaxina o repertorio a capella coa interpretación de pezas clásicas da literatura musical. Actualmente está a profundar nos diferentes estilos da historia da música, coa intención de facer rexordir a dos séculos XVI, XVII e XVIII mediante o uso de técnicas vocais e instrumentais propias de cada un das épocas.