Encontro en Santiago do persoal coordinador da docencia de Medicina nos hospitais universitarios

As persoas responsables de coordinar a docencia do Grao de Medicina nos hospitais universitarios galegos mantiveron este martes unha xuntanza no aulario da Facultade. Presidida polo decano do centro compostelán, Julián Álvarez, nesta novena edición da reunión participaron ademais o vicedecano de Docencia Clínica, José Carreira, e o coordinador de sexto curso, Miguel Gelabert. Previamente houbo outro encontro dos coordinadores docentes dos hospitais universitarios cos das materias de sexto curso e o equipo decanal.

Asistiron ao acto os coordinadores dos Complexos Hospitalarios Universitarios de Ferrol, Ramón López de los Reyes; de Pontevedra, Ismael Arén; de Lugo , Ángel López Rodríguez; de Ourense, Jesús García Mata; da Coruña, Carlos Vázquez Barro, e de Vigo, José Ramón Fernández Lorenzo.

Así mesmo, participaron os coordinadores docentes das materias de sexto Rosaura Leis, de Pediatría; Ángeles Lorenzo, de Psiquiatría; Arturo Quintela, de Médica; Nieto Pol, de Medicina de Familia; Cainzos, de Cirurxía; Macía, de Xinecoloxía, e as xefas de estudo de Ferrol, Fernanda López Crecente, e da Coruña, Rosario López Rico.

Reunión previa dos coordinadores docentes dos hospitais universitarios cos das materias de sexto curso e o equipo decanal