Entrega dos premios do X Concurso de Ideas Empresariais Innovadoras da USC

O reitor Senén Barro presidirá este martes 16 a entrega de premios aos gañadores do X Concurso de Ideas Empresariais Innovadoras da USC. O acto protocolario celebrarase a partir das 12:00 horas no Salón Reitoral do Colexio de San Xerome.
Xunto ao reitor, está prevista a presenza do director xeral de Promoción do Emprego, Andrés Hermida Trastoy; os vicerreitores de Comunidade Universitaria e de Investigación e Innovación, José M. Mayán e Mª José Alonso; o director do programa Uniemprende, Carlos Hernández Sande; e o xerente de Uninova, Gustavo Marcos.
‘Espreme a túa idea... pode ter premio’ foi o lema elixido para este nova convocatoria dirixida a todos os membros da comunidade universitaria galega de calquera das áreas de coñecemento. Entregaranse cinco premios de 600 euros, cuxa selección se realizou tras valorar a viabilidade empresarial, o carácter innovador, o grao de madurez, o mercado e a posible aplicación das políticas de igualdade das ideas propostas.