Entrega dos premios correspondentes ao IX Concurso de Ideas Empresariais Innovadoras da USC

O reitor da USC, Senén Barro, preside o vindeiro luns 16 o acto de entrega de premios correspondentes ao IX Concurso de Ideas Empresariais Innovadoras da USC que se vai celebrar a partir das 12:00 horas no Salón Reitoral do Colexio de San Xerome.
Na entrega participarán ademais, o director xeral de I+D+i, Saluastiano Mato; o director xeral de Promoción do Emprego, Álvaro Ansias Bacelar; o vicerreitor de Comunidade Universitaria e Compromiso Social, José M. Mayán Santos; o director do Programa Uniemprende, Carlos Hernández Sande; e o xerente de Unixest, Gustavo Marcos.
Con esta iniciativa, a Universidade de Santiago premia as mellores ideas, orixinais e innovadoras, susceptibles de converterse en proxectos empresariais a curto e medio prazo. A iniciativa dirixíase a todos os membros da comunidade universitaria galega e a todas as áreas de coñecemento. Outorgaranse cinco premios de seiscentos euros valorándose a viabilidade da idea, o carácter innovador, o grao de madurez e a posible aplicación das políticas de igualdade.