Os equipos da USC acadan once medallas nos campionatos de España Universitario 2018

Nos campionatos de España Universitarios 2018 disputados nas últimas semanas, a representación da USC nas distintas disciplinas deportivas disputadas obtiveron un total de 11 medallas.

Na modalidade por equipos, os de xadrez e loita fixéronse con respectivas medallas de prata. No primeiro caso hai que sumar outro subcampionato para Adrián Gómez Diéguez e destacar as actuacións de Alberto Portela Peleteiro (5ª posición), Lucas Abal Cores (7ª) e Julio Suárez Gómez (8ª). En loita, ademais do resultado colectivo, alcanzaron o subcampionato nas súas respectivas categorías Judit Varela Penas (+76 kg), Francisco Monasterio Portela (+130 kg), David Seijo Núñez (+80 kg) e Iván González Muñiz (+70 kg), ademais do quinto posto de Alexandre Freire Rodríguez.

En judo, Silvia Lage Rivera proclamouse campioa en -63 kg, e Alejandro Bastero Comesaña bronce en -100 kg, ademais do sétimo posto de Millán Lado Bascoy (-73 kg). Os outros dous metais que completan o medalleiro da USC proceden do atletismo e foron para Fernando Vales Ferreira, bronce en 800 metros lisos e Iago Núñez Ludgilde, igualmente terceiro, en 400 metros valados. Nesta mesma modalidade deportiva Mónica Álvarez Alonso foi quinta en 400 metros valados; e Xiana González Estévez e Miriam Otero Martínez, sexta e oitava respectivamente en 200 metros lisos.

Outros resultados destacados foron o quinto posto de Andrea Montes González en halterofilia (+68 kg) e a oitava posición de Raquel González Tojo en 50 libres.