Estudantes do IES Isidro Parga Pondal de Carballo visitan a Escola Escola Politécnica Superior para coñecer a súa oferta de estudos

Un grupo de estudantes e docentes do IES Isidro Parga Pondal de Carballo visitaron este luns a Escola Politécnica Superior do Campus Terra da USC, onde tiveron a ocasión de gozar dunha primeira experiencia universitaria na que visitaron diversos laboratorios do centro, ademais de participar nunha sesión académica guiada pola profesora Esperanza Álvarez.

A delegación estudantil desprezada ata Lugo aproveitou a súa estadía na sede universitaria luguesa para participar nunha visita guiada ás dependencias do Laboratorio de Micropropagación da EPS, onde o profesor Juan Luis Fernández explicou as distintas actividades que se realizan neste centro. A profesora do Departamento Edafoloxía e Química Agrícola da USC Esperanza Álvarez guiou logo unha charla co estudantado durante a que, baixo o título ‘A miña primeira clase’, debullou algún dos principios básicos da Edafoloxía, a fin de espertar o interese dos futuros universitarios por esta disciplina.