Expertos da USC falan na Academia galega de Medicina de drogas psicoactivas e seguridade vial

Expertos en Medicina Legal da USC interveñen esta tarde na Academia de Medicina e Cirurxía de Galicia, na Coruña, nunha sesión sobre ‘Drogas psicoactivas e seguridade vial’. Na xornada, que se desenvolve ás 19:30 horas no salón de actos, participarán o catedrático de Toxicoloxía da USC, Manuel López-Rivadulla; a investigadora do Instituto de Ciencias Forenses, Marta Concheiro; e o académico numerario titular do “sillón” de Medicina Legal, Luis Concheiro.