A Facultade de Ciencias Económicas e Empresariais abre á sociedade o seu patrimonio artístico
Organiza visitas guiadas, de balde, os días 12 de xuño e 16 de xullo
A Facultade de Ciencias Económicas e Empresariais da USC conta cunha moi extensa colección de arte galega contemporánea, que o centro quere dar a coñecer.
Para iso, a Facultade organiza estes meses varias visitas guiadas de carácter gratuíto aínda que con prazas limitadas, que serán os días 12 de xuño (17.00 h) e 16 de xullo (12.30 h), logo de ter lugar este xoves a primeira.
Para anotarse só é preciso enviar un correo a ecoade.decanato [at] usc.es (ecoade[dot]decanato[at]usc[dot]es) co asunto 'Visita patrimonio artístico' e indicar que día se prefire. As visitas están abertas a calquera persoa, pertenza ou non á USC.