A Facultade de Ciencias da Educación presenta este mércores novos números da Revista Galeduso e Revista Galega de Educación

A Facultade de Ciencias da Educación acollerá este mércores 9 a presentación de novos números da revista Galeduso e da Revista Galega de Educación. O acto desenvolverase a partir das 10.30 horas no Salón de Actos deste centro comezando polo número 10 da Revista Galeduso que nesta ocasión está dedicado á Educación Social e á Educación Ambiental. Na presentación participarán os colaboradores do monográfico, Pablo Meira, Miguel Pardellas e Keko Díaz xunto co membro do consello de redacción, Ramón Molina.

Ás 11.30 horas está prevista a presentación no mesmo lugar do número 58 da Revista Galega de Educación que neste caso se dedica á Cooperación e o desenvolvemento. Participan no acto Xesús Rodríguez, de Nova Escola Galega e os coordinadores do número Mª José Caride e Germán Vargas.