Fondo pesar polo falecemento de Armando Álvarez Figueiras
Encargado de instalacións do estadio de atletismo universitario, Armando Álvarez estivo toda a súa vida laboral vinculado á institución docente compostelá
Lugo,
Santiago de Compostela
A Universidade de Santiago manifesta o seu fondo pesar polo falecemento de Armando Álvarez Figueiras, membro do cadro de Persoal de Administración e Servizos, e únese á dor da súa familia e amizades.
Encargado de instalacións do estadio de atletismo universitario, Armando Álvarez estivo toda a súa vida laboral vinculado á institución docente compostelá onde desenvolveu diversas funcións. O responsable da Área de Deportes lembrou a súa grande lealdade institucional e a súa permanente dispoñibilidade. Os seus restos mortais atópanse no Tanatorio Apóstolo de Bertamiráns de onde partirán a primeira hora da tarde para a súa incineración na intimidade familiar.