Fondo pesar na USC polo falecemento do profesor Bernardo García Cendán

A Universidade de Santiago de Compostela manifesta o seu máis fondo pesar polo falecemento de Bernardo García Cendán, sacerdote e ata o curso pasado profesor de Socioloxía nas facultades de Humanidades e Administración e Dirección de Empresas do Campus de Lugo. A comunidade universitaria quere unirse á dor da familia, amigos e veciños de Vilalba, a súa vila natal, e transmitirlles as súas condolencias por esta perda.