Fondo pesar na USC polo pasamento de Luis Gago González
O profesor foi decano da Facultade de Administración e Dirección de Empresas do Campus de Lugo
Lugo
A USC expresa o seu fondo pesar polo pasamento do profesor Luis Gago González que foi decano da Facultade de Administración e Dirección de Empresas do Campus de Lugo entre os anos 2009 e 2012. Gago González pertenceu ao Departamento de Economía Cuantitativa da Universidade de Santiago de Compostela e á área de Métodos cuantitativos para a economía e a empresa.
Tamén estivo vinculado á Rede de Investigadores en Demografía, Historia Económica e Migracións. A USC e moi especialmente a Facultade de ADE manifestan as súas condolencias ante esta perda.