Graduación da segunda promoción de Enxeñaría de Procesos Químicos Industriais na Facultade de Ciencias

A Facultade Ciencias celebra este venres 5 de xuño o acto de graduación da segunda promoción do grao en Enxeñaría de Procesos Químicos Industriais egresados do centro universitario lugués.

O vicerreitor de Coordinación do campus de Lugo, Javier Bueno Lema, presidirá esta sesión, que se desenvolverá a partir das 17.00 horas, no salón de actos da Facultade de Ciencias de Lugo. O decano da Facultade de Ciencias, José Manuel Martínez Ageitos; o alcalde en funcións de Lugo, José López Orozco; a deputada provincial delegada da área de Economía, Recadación e Facenda da Deputación Provincial de Lugo, Pilar García Porto, e o profesor do Departamento de Enxeñaría Química da USC no centro lugués Gerardo Pereira Gonçalves, que actuará como padriño da promoción, tamén intervirán como relatores neste acto.