Lance Weiler e Elizabeth M. Tyler participarán no foro ‘Memoria, identidade, mundo: o desafío das humanidades’

No marco das actividades do Foro ‘Memoria, identidade, mundo: o desafío das humanidades’, o Centro de Estudos Avanzados acollerá a vindeira semana as intervencións da co directora do Centre for Medieval Literature das Universidades de York e Odense Elizabeth M. Tyler e do director do Digital Storytelling Lab da Universidade de Columbia, Lance Weiler.

‘Digital storytelling: how to process literary contemporary texts and technology into collaborative creative experiences’ é o título da conferencia que pronunciará Lance Weiler o mércores 29 ás 19.30 horas. Pola súa banda, Elizabeth M. Tyler pronunciará o xoves 30 a conferencia ‘The roman story-world in the 11th-century anglo-saxon court’, a partir das 11.00 horas.