Os libros da USC están dispoñibles na Biblioteca Dixital sobre Migracións e Interculturalidade da Fundación de los Pueblos de Andalucía

Os libros da Cátedra Unesco 226 sobre Migracións, editados polo Servizo de Publicacións da USC, están xa dispoñibles na Biblioteca Dixital sobre Migracións e Interculturalidade promovida pola Fundación para el Desarrollo de los Pueblos de Andalucía (Fudepa). A biblioteca dixital reúne a texto completo, en acceso restrinxido, unha enorme cantidade de títulos en castelán, inglés, francés e outros idiomas, editados por centros de investigación, institucións e centros oficiais, ONG,s, editoriais universitarias e privadas. Todas as publicacións teñen como nexo común a temática, vinculada a temas relacionados cos movementos migratorios e a súa complexa problemática. O acordo entre a Universidade de Santiago e a Fundación para el Desarrollo de los Pueblos de Andalucía contempla a concesión a USC dunha clave de acceso para uso dos seus investigadores nestas materias.