A licenciatura de Medicina celebra este mércores o seu acto académico

A promoción de Medicina da USC que se licencia este curso 2012-2013 celebra este mércores 17 un acto académico que, cunha ampla representación do eido sanitario galego, presidirá o reitor Juan Casares Long e no que tamén intervirá o doutor José Luis Bello López, padriño da promoción; o decano da Facultade, Juan Gestal Otero; e o estudante Juan Espinosa Pereiro. Será ás 12.00 horas no Palacio de Congresos. Na cerimonia, na que se lerá a Declaración de Xenebra, os futuros licenciados e licenciadas recibirán os seus respectivos diplomas acreditativos e a obra Un estudiante en Alabama y otros ensayos biográficos, de Sir William Osler (1849-1919), que por cuarto ano consecutivo lles entrega a Fundación Lilly.