O luns inaugúrase o máster en Procesos de Formación

O máster en Procesos de Formación da USC que coordina a profesora Margot Valcarce Fernández inaugurarase o luns 19 ás 17:00 horas na Aula Frei Martín Sarmiento da Facultade de Ciencias da Educación (Campus Vida) nun acto que presidirá a decana do centro, Carmen Fernández Morante.

Tras a presentación do máster terá lugar a conferencia inaugural a cargo da orientadora laboral do Servizo Público de Emprego de Galicia, Ana Isabel Lorenzo Hermida, titulada ‘Como contribúe a orientación laboral á inserción profesional no eido da formación: os Servizos de orientación en Galicia’.