Este mércores, xornadas de portas abertas en rugby masculino e feminino

Este mércores 8 comeza a actividade de rugby masculino e feminino no Campus de Santiago. De xeito paralelo, este mesmo mércores e o da próxima semana, o día 15, o Servizo de Deportes celebra xornadas de portas abertas para que todas aquelas persoas interesadas poidan coñecer en primeira persoas este deporte.

A escola de rugby, tanto masculino como feminino celébrase os mércores de 22.00 a 23.30 horas no campo de fútbol de Conxo coa colaboración de Santiago Rugby Club (SRC). As sesións impartiranas Miguel Ángel Gómez Ferreiro e José Rey, ambos de SRC) e poderá validarse un crédito ECTS por cada 17 sesións. Ademais de fomentar os valores propios desta modalidade deportiva como a integridade, a paixón, a solidariedade, a disciplina e o respecto, tamén se abordarán as regras e o modo de xogar así como as destrezas e aptitudes necesarias para a súa práctica.