Minuto de silencio en apoio e solidariedade cos feridos do atentado na Universidade de Navarra

A comunidade universitaria da USC gardou este venres un minuto de silencio en apoio e solidariedade cos feridos do atentado de onte na Universidade de Navarra. Os paros tiveron lugar nos distintos centros de traballo dos Campus de Santiago e Lugo.
A USC fixo seu onte o comunicado da Conferencia de Reitores das Universidades Españolas (CRUE), no que se condenaba firmemente o atentado terrorista na Universidade de Navarra:
“A Conferencia de Reitores das Universidades Españolas desexa manifestar o seu apoio e solidariedade cos feridos no atentado realizado esta mañá na Universidade de Navarra, así como cos seus familiares, amigos e compañeiros, do mesmo xeito que con todas as vítimas do terrorismo e a violencia.
A comunidade universitaria cree e defende firmemente a liberdade e a democracia, e sente especialmente consternada por este ataque terrorista realizado no seo da Universidade de Navarra.
Como mostra de solidariedade e rexeitamento ante este acto criminal, e en defensa da xustiza e a convivencia, a Conferencia de Reitores das Universidades Españolas anima ás universidades a manter un minuto de silencio”.