Nécora impúxose a Gürtel na final da Liga de Debate Universitario

A sétima edición da Liga de Debate Universitario acaba de celebrar a súa final cun debate arredor do tema ‘É compatible o desenvolvemento económico co coidado do medio ambiente?’. Nesta confrontación, promovida por Club Debate Universitario, o equipo Nécora proclamouse gañador da competición fronte a Gürtel, con seis dos oito votos dos xurado. Ambos os dous defenderon e criticaron, entre outros aspectos, modelos como a economía circular, a eficiencia das enerxías renovables, a desigualdade económica internacional ou os efectos da deslocalización das grandes empresas. O reitor Antonio López asistiu á xornada, no transcurso de cuxa presentación destacou a importancia do debate e o sentido crítico no ámbito universitario e reiterou o compromiso da institución académica co desenvolvemento deste tipo de iniciativas.

Seguindo o formato académico, as posturas -a favor ou en contra da pregunta formulada- asignáronse ao azar, de maneira que os equipos, compostos por catro membros, tiveron que razoar, evidenciar e convencer a un experimentado grupo de oito xuíces de que os seus argumentos era os mellores e que, polo tanto, o seu equipo debía resultar gañador do debate.

As denominacións adoptadas polos equipos deste edición da Liga xiran arredor dun tema en concreto, este ano a corrupción. Así, ademais de Nécora e Gürtel, na Liga deste ano competiron ERE de Andalucia, Caso Nós, Naseiro, 3% ou o Campión. O equipo vendedor será recoñecido co reingreso das súas cotas de socios ao club, cun valor de 200 euros.