NerdNite especial sobre a Teoría de Cordas

Con motivo da Semana da Ciencia que organiza o Instituto Galego de Física de Altas Enerxías (IGFAE), a NerdNite do vindeiro martes 13 será unha sesión monográfica sobre a Teoría de Cordas.

A partir das 21.00 horas na Nave de Vidán, os profesores de Física Teórica das USC Javier Mas Solé e Jose Edelstein ofrecerán as charlas ‘O discreto encanto do cuanto’ e ‘Coma dous estraños’, respectivamente, para rematar co catedrático Alfonso Vázquez Ramallo e a súa intervención ‘As supercordas e os cabos soltos da física’.