Novas actividades deportivas na Universidade de Santiago

A Área de Deportes da USC organiza a partir deste mes de febreiro unha nova programación, dando comezo ademais ao segundo cuadrimestre das escolas deportivas que van desde o 23 de febreiro ata o 20 de xuño, agás a Escola de Natación, que se adianta.
Por outra banda, xa está aberta a inscrición para os cursos de iniciación á escalada e de cartografía, que se desenvolverán os días 17, 18 e 19 de febreiro no Estadio de Atletismo de Santiago e na Piscina Universitaria, respectivamente.
Rutas de sendeirismoPara este mes a USC ten previsto realizar dúas rutas de sendeirismo. A primeira, o sábado 14 polo parque natural do Monte Aloia nun percorrido de máis de 15 quilómetros e cun nivel medio de dificultade. A seguinte ruta, de 25 quilómetros, será de Lires a Muxía o 28 de febreiro, cun nivel de dificultade medio-alto.
Para máis información e inscricións os interesados poden acudir ás Oficinas da Área de Deportes, no primeiro andar da Piscina Universitaria, no teléfono 981563100 extensións 15070-15071-15072-15073-15076 ou no enderezo electrónico deporsec [at] usc.es (deporsec[at]usc[dot]es).