Novas rutas de sendeirismo para este mes de xuño

O Servizo de Deportes da USC organiza para este mes de xuño dúas novas rutas de sendeirismo. A primeira discorrerá este sábado 11 polo Castelo de Pambre e os Torrentes de Mácara. Cunha lonxitude aproximada de 12 quilómetros e unha dificultade media, o prazo de inscrición rematará o mércores 8 de xuño. A segunda ruta farase na fin de semana do 18 e 19 de xuño pola Fonsagrada cun percorrido total de 21 quilómetros. A inscrición está aberta ata o 15 de xuño. Para inscribirse en calquera actividade deportiva é necesario estar dado de alta como usuario de deportes da USC para este curso.