Persoal da Universidade de Sassari visita a USC

Persoal da Universidade de Sassari rematou estes días unha estadía na Universidade de Santiago a onde se desprazaron co propósito de intercambiar experiencias en materia de comunicación, difusión e desenvolvemento das redes sociais. Alessandra Casu e Vanna Meloni interesáronse polas rutinas de traballo realizadas no relativo á difusión da actividade universitaria nos campus de Santiago e Lugo, con especial atención ao Xornal Electrónico, a xestión de contidos ou a incidencia dos fluxos de información derivados das redes sociais. Ademais, mantiveron estreito contacto con investigadores da Facultade de Ciencias da Comunicación onde entraron en contacto coas distintas liñas de investigación que en materia de novos medios se desenvolven.