Presentación en Historia de dous volumes do grupo de investigación Hispona da USC

O grupo de investigación Hispona da USC presenta este martes 8 ás 13.00 horas na Sala de Profesorado da Facultade de Xeografía e Historia dous libros publicados no estranxeiro por profesores da Universidade compostelá.

Trátase de A Balancing Act: British Intelligence in Spain during the Second World War, de Emilio Grandío Seoane e publicado por Sussex Academic Press en Eastbourne en 2017; e War Veterans and the World after 1945: Cold War Politics, Decolonization, Memory, editado por Xosé M. Núñez Seixas e Ángel Alcalde e publicado en Londres por Routledge en 2018. Na presentación estarán presentes os tres autores.