Presentación da programación cultural 'Espazos', que se desenvolverá no Campus de Lugo este curso

A Vicerreitoría de Cultura da Universidade de Santiago desenvolverá durante o curso 2008/2009 un programa formativo nas especialidades de teatro, música, fotografía e danza, que dará comezo esta mesma semana no Campus de Lugo baixo o título xenérico de ‘Espazos’.
O programa será detallado en rolda de prensa este xoves 2 de outubro, ás 11:30 horas, na Sala de Prensa da Vicerreitoría de Coordinación. A presentación estará a cargo do vicerreitor de Cultura, Elías Torres, que estará acompañado polos responsables dos distintos Espazos, Paloma Lugilde, Eduardo Ochoa, Juan Carlos Zahera e Roberto Salgueiro.