A presentación de propostas ao XI Concurso de Ideas Empresariais Innovadoras da USC pódese realizar ata o 30 de xuño

A USC está a desenvolver unha nova edición, a que fai a número once, do seu Concurso de Ideas Empresariais Innovadoras. O prazo para a presentación de propostas permanecerá aberta ata o vindeiro 30 de xuño. Deste xeito, a Universidade compostelá quere premiar a aqueles emprendedores que presenten as mellores ideas, orixinais e innovadoras, susceptibles de converterse en proxectos empresariais a curto e medio prazo.
A iniciativa diríxese a todos os membros da comunidade universitaria galega de calquera das áreas de coñecemento. Outorgaranse cinco premios de 600 euros valorándose a viabilidade da idea, o carácter innovador, o grao de madurez, o mercado e a posible aplicación das políticas de igualdade.
A inscrición no certame realizarase de forma telemática, cumprimentando o formulario que aparece na páxina web de Uniemprende. Así mesmo, poderase participar imprimindo o documento en liña e entregándoo nos rexistros dos Campus de Santiago e Lugo.