Presentación da sexta edición do Programa Europracticum de prácticas profesionais en empresas e institucións europeas

O reitor da USC, Juan Casares, presenta no Campus de Lugo este xoves, 1 de decembro, a sexta edición do Programa Europracticum de prácticas profesionais remuneradas en empresas e institucións europeas. A rolda de prensa será ás 12.30 horas na Vicerreitoría de Coordinación e Planificación do Campus lugués. Dende o 2001 a USC xestiona o Proxecto Europracticum (Programa Leonardo da Vinci) de prácticas profesionais para titulados e tituladas da USC en empresas e institucións europeas e do que se beneficiaron xa 400 persoas.