Preséntase na Vicerreitoría de Lugo o foro ‘Danza-Traballando. Encontros co sector, competitividade e sostibilidade’

O vicerreitor de Coordinación do campus de Lugo, Pedro García Herradón, e o director do Espazo de Danza da Universidade de Santiago, Juan Carlos Zahera, presentarán o luns 18 de marzo, a partir das 11.30 horas, na sala de prensa de Vicerreitoría de Coordinación do campus de Lugo, a xornada artística ‘Danza-Traballando. Encontros co sector, competitividade e sostibilidade’.

Esta xornada monográfica sobre a danza está promovida pola Rede de Traballadores da Danza para facer máis visible o sector, achegar a danza á sociedade e consolidar e ampliar o actual tecido asociativo, contará coa participación de tres poñentes e desenvolverase en quenda de mañá, de 9.30 a 14.00 horas.