Á procura de ideas empresariais con premio

Seiscentos euros por unha idea innovadora susceptible de converterse en proxecto empresarial a curto ou medio prazo. Iso é o que pode gañar quen decida presentarse antes do 15 de outubro ao XIII Concurso de Ideas Empresariais Innovadoras da USC. O certame contempla un total de cinco premios, dos que tres se destinarán a mulleres co obxecto de fomentar inquedanzas emprendedoras entre un colectivo cuxa representación no campo do emprendemento soe ser inferior ao masculino. O concurso diríxese a toda a comunidade universitaria de todas as áreas de coñecemento de calquera das tres universidades galegas. En todos os casos valoraranse de forma preferente a factibilidade da idea, o seu carácter innovador, o grao de madurez, a viabilidade no mercado e a presenza de políticas de igualdade.