O profesor Agustín Merino nomeado vicerreitor adxunto de Investigación e Proxección Exterior
Substitúe á profesora Begoña Barreiro que agora se encargará da de Oferta e Xestión Académica en substitución de Javier Bueno
O profesor de Edafoloxía e Química Agrícola da EPS, Agustín Merino García, vén de ser nomeado vicerreitor adxunto de Investigación e Proxección Exterior cargo no que substitúe á profesora de Organización de Empresas e Comercialización, Begoña Barreiro Fernández, que agora pasa a ocupar a vicerreitoría adxunta de Oferta e Xestión Académica.
Este cambio nas vicerreitoras adxuntas do Campus de Lugo prodúcese logo do nomeamento do profesor Javier Bueno, ata hai pouco adxunto de Oferta e Xestión Académica, como director da Escola Politécnica Superior de Lugo.