O proxecto Spin-Up impulsa unha xornada de networking entre tecido produtivo e axentes xeradores de coñecemento

A incubadora de empresas Uninova organiza o vindeiro 25 de novembro, a partir das 10.00 horas, no marco do proxecto Spin-Up, unha xornada de networking transfronteirizo entre o tecido produtivo e a oferta dos axentes xeradores de coñecemento. O obxectivo desta iniciativa é o de estimular a creación de empresas a través da transferencia de tecnoloxía e o coñecemento. Nesta ligazón pode formalizarse a inscrición ata o vindeiro 10 de novembro.

As iniciativas emprendedoras terán a oportunidade de manter encontros de networking individuais coas empresas inscritas para valorar as posibilidades de negocio conxuntas. Pódense inscribir iniciativas e/ou proxectos que pertenzan ás seguintes áreas produtivas: Agro-bio, industria alimentaria; Industria creativa, TIC, Turismo; Industria da transformación 4.0; Saúde-envellecemento activo.

Todas as iniciativas participantes así como as empresas inscritas, contarán cun espazo na páxina web da xornada para presentarse e facer un breve resumo do seu proxecto/empresa ante potenciais interesados/as.