Ramom López falará este mércores en Formación do Profesorado sobre os límites do crecemento económico indefinido

O catedrático de Estrutura Económica da Universidade de Santiago de Compostela, Ramom López Suevos, ofrecerá este mércores, a partir das 19.00 horas, no salón de actos da Facultade de Formación do Profesorado do campus de Lugo, un relatorio baixo o título ‘Os limites do crecemento económico indefinido’.

A exposición do relator, que será presentado polo tamén profesor do Departamento de Economía Aplicada na Facultade de Administración e Dirección de Empresas da USC, Bernardo Valdês Paços, dará pé a un posterior debate entre os asistentes.

As contradicións dos piares do sistema económico actual, como o consumo esaxerado, a sobreexplotación de recursos ou, entre outros, o incremento das desigualdes sociais, serán algúns dos temas a tratar no transcurso desta charla debate organizada polo colectivo universitario Na Encrucillada.