O reitor da USC asiste á clausura do Forum Ciceron 2011 ‘Se busca talento’

O reitor Juan Casares asiste este venres aos actos que se van celebrar no Parlamento de Galicia co gallo da clausura do Forum Ciceron 2011 ‘Se busca talento’, entendido como un proceso organizado de competición en equipo sobre a arte do debate que reunirá aos universitarios con máis talento. A clausura oficial do Forum está prevista para as 20:00 horas e contará coa participación, ademais do reitor compostelán, da presidenta do Parlamento de Galicia, Pilar Rojo; do conselleiro de Economía e Industria, Javier Guerra; do reitor da Universidade da Coruña, José Mª Barja; e do presidente do comité de organización do Forum, Daniel Álvarez. Con anterioridade a esta clausura, a partir das 19:00 horas, celebrarase a final do torneo de debate ‘Se busca talento’ incluído na programación do Forum O Forum Ciceron 2011 reuniu durante este mércores e o xoves na Illa de San Simón a universitarios e empresas no marco dun encontro no que os posibles empregadores podían observar de primeira man as competencias e habilidades dos mellores alumnos das universidades galegas. Os promotores do Forum opinan que se trata de unha ferramenta de grande utilidade para poñer en contacto a futuros empregados e empregadores cunha efectividade superior aos tradicionais procesos de selección de persoal, xa que o proceso permite simular como se comportan os candidatos nun contexto de tensión competitiva. Podían participar nesta iniciativa de recruiting universitarioalumnos das tres universidades galegas no último ano da carreira no presente curso ou que se licenciaran en 2009-2010.